भीरिया के मारल तिवइया
तिवई काहें पछताय ।
भगती संग करी ना पुजनिया
छठी माई होइहें सहाय ।
दउरा में भरि भरि फर फरहरिया
नंगे पाँव चलेलें बरती डहरिया
उग्गत सुरूज़ के अरघिया
सुरूज़ देव होइहें सहाय ।
माई के गीत गूँजत भर नगरिया
घर के सवांग सब बनिहें कंहरिया
भगती में रंगल लोगवा
पूजे छठी माई के जाय।
बेटा बेटी चाही भा कवनो परेसनियाँ
छठी मइया दूर करि दीहें निसनियाँ
जेपी के रचल गीतिया
उनुका पूजन बनि जाय ।
- जयशंकर प्रसाद द्विवेदी
गीत के लिंक :
InMotion Hosting – Reliable, High-Performance Web Servers Built to Scale With Your Business
![]()