कउने जनम भरब हम हानि

लेहीं खेवइया कइसे मईया

मर जाई हमरो पानी।

कउने जनम भरब हम हानि।।

 

ताना मारी बुढ़ गदेला।।

काहें उतराई ले लेला।।

बेला कठिन रहे रघुवर क

कइला पुरजोर तू मनमानी।

कउने जनम भरब हम हानि।।

 

तोहके लाज ना आयल भईया।।

काहें मांग लिहा उतरईया।।

नइया पार लगावे वाला सबकर

केहू न हमके जानी।

कउने जनम भरब हम हानि।।

 

सबकर होई सवाल अनेका।।

तू त कई दिहला अनदेखा।।

कइसे एक सुहागिन क लिहला

तू कँगन बिछुआ मांगी।

कउने जनम भरब हम हानि।।

 

हम त राम के जानी मानी।।

तोहरो करम फुटल अभिमानी।।

होखी गांव घरे में को को लो लो

पची न पेट क पानी।

कउने जनम भरब हम हानि।।

 

~ धीरेन्द्र पांचाल

भीखमपुर,चकिया, चंदौली (उ0प्र0)

Related posts

Leave a Comment