जेई पर भइलन शहीद हज़ार बिरना
छोड़िहैं वनके ना तनिको हमार बिरना॥
आगे बढ़ी जब चीन पाकिस्तान बिरना
मरिहें छीन लिहें सबके परान बिरना ।
छोड़िहैं वनके ना तनिको हमार बिरना॥
जम्मू से लेके हमार कन्या कुमारी
सिन्ध से लेके बंग्ला हमरी दुआरी
एक भारत एक धरती हमार बिरना।
छोड़िहैं वनके ना तनिको हमार बिरना॥
अलगै बा भाषा अलगै हमरी बा बोली
प्यार से पगल हम सबही के टोली
आँख लिहैं दुश्मन कै निकार बिरना।
छोड़िहैं वनके ना तनिको हमार बिरना॥
गीता कुरान हमरै बसल परान बा
गुरुग्रंथ बाइबिल के हमरै गियान बा
टूटि परी दुश्मन पर जवार बिरना।
छोड़िहैं वनके ना तनिको हमार बिरना॥
रक्षा के दुई सूत हम तोहें बांधी
सीमा पर बहिनी अपने बिरना के साधी
आपन जिनगी दे रक्षा में डार बिरना।
छोड़िहैं वनके ना तनिको हमार बिरना॥
- सम्पूर्णानन्द दुबे
