अबकी नवरतिया मइया करतु एगो जुगतिया
हो मइया मोरी करतु एगो जुगतिया
कि छोड़ि हो देतु ना,
अपने बब्बर सेरवा के मइया, छोड़ि हो देतु ना।
छोड़तु त भले करतु आपन बब्बर सेरवा
हो मइया मोरी आपन बब्बर सेरवा
बाक़िर छोड़तु ओकरा ना,
जयचंदवन के पिछवा मइया छोड़तु ओकरा ना।
गद्दरवन के पिछवा मइया छोड़तु ओकरा ना।
छोड़तु त भले करतु आपन बब्बर सेरवा
हो मइया मोरी आपन बब्बर सेरवा
बाक़िर छोड़तु ओकरा ना,
मंहगइया के पिछवा मइया छोड़तु ओकरा ना।
बेरोजगरिया के पिछवा मइया छोड़तु ओकरा ना।
छोड़तु त भले करतु आपन बब्बर सेरवा
हो मइया मोरी आपन बब्बर सेरवा
बाक़िर छोड़तु ओकरा ना,
दुसमनवन के पिछवा मइया छोड़तु ओकरा ना।
बेइमनवन के पिछवा मइया छोड़तु ओकरा ना।
- जयशंकर प्रसाद द्विवेदी
15/10/2023
