बदरा के फेर पिया काहे मोहइला
जुठार मोरा कजरा बोला का पउला।
बिंदिया देखत रहे तोहरा नदानी
झुमका गवाही देही बात मानी
चनवो से बलमू ना जेरिको लजइला
जुठार मोरा कजरा बोला का पउला।
होठवा के लाली सुघर सकुचायल
घायल पैजनिया हो सहमल बा पायल
चुड़िया के खनखन से अईसन लोभइला
जुठार मोरा कजरा बोला का पउला।
मेंहदी महावर करैं न ठिठोली
मधुरी बचनिया से बोलैं न बोली
घुघटा बनी ढीठ कइसे उठइला
जुठार मोरा कजरा बोला का पउला।
केशिया के खुशबू करी शोर जॉनी
केकर जबाब देब पुछिहैं परानी
कउने बिपतिया में “योगी” फसइला
जुठार मोरा कजरा बोला का पउला।।”योगी”
योगेन्द्र शर्मा “योगी”
भीषमपुर,चकिया,
चन्दौली (उ.प्र.)
